Det var meininga at eg skulle skrive ei lita oppdatering på kva eg har gjordt dei siste to vekene, men dagane går mykje i ett og det vart ikkje lange oppsummeringa. Spesielt når eg har vore sjuk dei siste fem dagane. Derfor tilbringe vi mykje tid i senga, eg og Lillemann. Legg oss tidleg og står opp seint! Iallfall halve døgnet tilbringast i senga. Då er det flaks at eg er så glad i soverommet mitt. Fargen på veggen, sengegavlen og kvite krispe sengkle. Og IKEA lampa.
Før eg vart sjuk rakk eg å bli tante og kose med eit nydeleg lite nurk som gjorde at Anders ikkje lenger er minst i familien, og plutseleg vart så stor! Eg hadde meg og ein tur til Ålesund på shopping med Lillemann og tanta hans, det var deilig å komme seg vekk sjølv om shoppinga no dreide seg mykje om guten og huset – ikkje mykje nytt på ho som har vore igjennom ein graviditet i vinter, men det må vi rette på når vi skal til Oslo på laurdag. Og ein loppis fekk eg med meg. Det var etter eg vart sjuk, så eg heiv innpå eit par Ibux, ga mannen beskjed om å trille tur med guten og reiste sjølv på loppis. Kva eg fann kjem nok på bloggen etterkvart. Ein del av det er nemleg til terrassen.
Tenk at vi allereide er ferdige med april? Kvar vart den av då? Den gjekk jo enda fortare enn mars. I mai har eg mykje fint i vente. Det er jo den beste månaden! Eg skal tilbringe 9 fine dagar ilag med søstra mi, det kan eg ikkje huske å ha gjordt sia vi var på sydentur i 2004? Men på laurdag tar eg og Lillemann flyet og susar nedover til austlandet på besøk. Der skal vi feire konfirmasjonen til mitt eldste tantebarn. Og så har eg bursdag i mai. Og eg skal fylle og begynne å bruke terrassen min i mai – for det vert nydeleg vær i heile mai. Det er eg sikker på. Og så har vi jo 17. mai – og isspising! Mmm! Eg lengtar etter ein softis…
